Fundargerð stjórnar

Fundargerð stjórnar 14. janúar 2016

Stjórnarfundur 14. janúar 2016

Mættir: Heiðdís, Hjördís, Guðmundur og Bernhard
Ritari: Daði

Skýrsla formanns

Formaður kynnti aðgerðir félagsins með lögfræðingi þess. Fundur var haldin með heilbrigðisráðherra varðandi snemmtæka íhlutun. Góður fundur. Drög að reglugerð vegna túlkasjóðsins og þá túlkun í daglegu lífi. Málnefnd um ÍTM í óvissu þar sem ekki er búið að setja saman nýja stjórn. Fréttir vikunnar er farið af stað undir stjórn Gunnars Snærs.

Skýrsla framkvæmdastjóra

  1. Gerður hefur verið rekstrarsamningur við velferðarráðuneytið fyrir 2016 og 2017 upp á 10  milljónir króna hvort árið. Hækkun um 400 þúsund sem nær ekki vísitöluhækkun.
  2. Tillaga að sameina dagskrá afmælis FH og dags ÍTM og hafa dagskrá og veitingar fimmtudaginn 11. feb í Tjarnabíó.
  3. Happdrættissala haustsins 2015 endaði í 12.400 miðum. Vorsala áætlar 16000 miða og búið að manna allar sölumannastöður.
  4. Villa í happdrættisúrdrætti hjá Sýslumanni varð til þess að draga þurfti út sérstaklega eitt númer sem birtist tvisvar.
  5. Eru stjórnarmenn með óskir um breytingar á þjónustu starfsfólks FH á vorönn?
  6. Alls munu 8 döff í 4 fullum stöðugildum starfa hjá félaginu á vorönn. Má segja að FH geri sitt besta í að efla starfsemi félagsins með döff fólki. 

Samþykkt án athugasemda.

Næstu viðburðir

Dagur ÍTM 11.febrúar 2016. DNR 15.-17.apríl 2016. Aðalfundur vor 2016, bókanir frá síðasta aðalfundi.

Döffblaðið – dánartilkynningar

Rætt var um útfærslu dánarfregna í Döffblaðinu og hverra ber að minnast sem kvöddu á árinu 2015.

Erindi frá KFR og keiluspilara vegna Íslandsmóts.

Lagt var til að hvetja döff keiluspilara til að panta sér túlk í gegnum félagslega sjóðinn á veislukvöldi KFR svo keilufélagið þurfi ekki að leggja út í kostnað vegna túlka það kvöld. Félag heyrnarlausra tæki ekki fjárhagslegan þátt í kvöldinu. Þá lagði XXX inn beiðni um fjárstyrk vegna þátttöku í keilumótum á Íslandsmótinu. Stjórnin vísaði á styrktarumsókn úthlutunarsjóðsins og ÍFH.

Næsti fundur

Næsti fundur er 4 febrúar kl. 17.30

Önnur mál

  1. Stjórnarmaður óskaði þess að skoðað yrði að greiða upp vinnutap stjórnarmanna vegna stjórnarstarfa og embættisverka á vegum félagsins. Framkvæmdastjóri mun skoða hvað önnur aðildarfélög ÖBÍ geri.
  2. Tillaga að breyta starfsdögum stjórnar þannig að þeir verði haldnir á virkum dögum frá t.d. 18-21 en ekki um helgar. Samþykkt einróma.